Adit (8 th) cah Panjen arep lungo, diterke mbok e nyegat bis pelita gek dalan kawi, panjen.
Kernet bis, "Suroboyo, Suroboyo, bu?".
Mbok e Adit, "Pak tulung nggih, mengke nek pun tekan Arjosari, lare niki dikandani.
Kernet: "nggeh bu, tariiiikkk".
Nang Pakisaji, Adit takon kernet bis, "Wes cedhak Arjosari durung Lik?".
Kernet: "Durung lee ... jek suwe".
Ora let suwe tekan Kacuk, Adit takon maneh, "Wes tekan Arjosari Lik?".
Kernet: "Durung Lee ..... jik uuuaduuooohh".
Adit bosen ora tekan-tekan. Akhire keturon. Bus terus mlaku arah Suroboyo. Ora kroso bis wes ngliwati Arjosari. Kenek lali pesenane mbok e Adit.
Bareng kelingan, kernet langsung omong nang sopir, "Duuh kang, aku duso nang bocah kui, karo nuding Adit seng lagi turu nggleser.
Sopir, "Lho kenopo, to?".
Kernet, "Mau mboke nitipke, yen tekan Arjosari bocahe tulung kandanono".
Sopir, "Wah, lha piye kowe kui. Arjosari wes kliwat adoh", Jawab sopire, bingung.
Untunge sopire apikan, gelem balik nang Arjosari. Sak wise njaluk persetujuan penumpang liyane, mergo mesakke karo si Adit.
Sak wise bis tekan Arjosri, Adit digugah.
Kernet, "Lee ...tangi lee. Wes tekan Arjosari, ki", karo nggoyang goyang awakke Adit.
Adit njenggirat, "Wes tekan Arjosari lik?", Karo grusa grusu mbukak kantong, ngetokke sangune; sego sambel, lawuhe iwak asin.
Kernet takon, "Arep mudhun kene le?".
Adit, "Ora Lik..... wong aku arep nang Suroboyo. Mau mbokku pesen, sangune mengko dipangan nek wes tekan Arjosari wae yo lee", jawab Adit karo muluk sego.
Kernet, sopir, lan kabeh penumpang muni bareng: "WEDHUUUSS tenan cah iki. tiwase mbaliiik!"
Foto : Andromeda
Seng nulis : Arizal Firmansyah
Tidak ada komentar: